2010 Ֆուտբոլի Աշխարհի Առաջնություն

Եթե ցանկանում եք Ֆուտբոլի Աշխարհի Առաջնությանը հետեւել առցանց, փորձեք հետեւյալ կայքերը՝

• FromSport.com
• ESPN3

Աշխարհահռչակ դուդուկի վարպետ Ջիվան Գասպարյանը Մարտի 18-ին իր առաջին ձայնասկավառակի շնորհանդեսին էր հրավիրել: Վայրը շատ տրամադրող էր՝ Երեւանի Կոնյակի Գործարանի հնեցման արտադրամասը…

Մամլո ասուլիսին վարպետի մեկնաբանությամբ տեղեկացանք, որ ձայնասկավառակի հրատարակման շարժառիթ է հանդիսացել իր անվամբ ներկայացված, բայց լայն տարածում գտած կեղծ ու անորակ ձայնագրությունների առկայությունը:

Երեկույթին ներկա էին բազմաթիվ հայտնի մարդիկ, իսկ լրագրողները հյուրերից շատ էին…

Թերթեք լուսանկարների ալբոմը…

ՈՒՇԱԴՐՈՒԹՅՈՒՆ՝
Ալբոմը ամբողջ էկրանին տարածելու համար սեղմեք ձախ ներքեւի քառանկյունին:

Մամլո ասուլիսը տեղի էր ունենալու Տավուշի Բերդ քաղաքում: Ճանապարհը երկար էր բայց չհասցրեցի ձանձրանալ: Հարեւանությամբս նստող լրագրողները համարյա ամբողջ ճանապարհին աշխատանքային զավեշտալի միջադեպեր  էին պատմում ու ծիծաղում: Համարյա Ծիծաղի Տունն էր բայց անիվների վրա…

Աշխատանքային այցի պաշտոնական մասը շատ արդյունավետ անցավ, որին կարող եք ծանոթանալ իմ երեկվա հրապարակած նյութից:

Գործարանի ճաշարանում մատուցված ճաշից հետո շարժվեցինք դեպի Ենոքավանից մի քանի քիլոմետր անդին գտնվող Ապագա Գոմեր ակտիվ հանգստի ակումբը: ԵԿԳ-ի մտահղացած հետաքրքիր հանգստյան օրվա նպատակը թեեւ անհասկանալի էր մնացել որոշ լրագրողների համար, ինձ թվում է այն պարզապես խրախուսանքի եւ դրական լիցք հաղորդելու հնարավոր առիթը բաց չթողնելն էր:

Անունը անսովոր կամ նույնիսկ հանելուկային հնչելով մեկտեղ վստահեցնում եմ, որ լինելով Ապագա Գոմեր ակտիվ հանգստի ակումբում դուք կհասկանաք անվան տրամաբանությունը: Հայաստանում դեռեւս նման հանգստյան տարածք տեսած չեք լինի… Այստեղ գեղեցիկ առանձնատների շուրջ սարի լանջին շատ հետաքրքիր կերպով ձեւավորվում է ակտիվ կյանքի համար նախագծած մի ընդարձակ տարածք: Առկա են երկու մեծ ավազան (հավանաբար հետագայում ձկնորսությամբ զբաղվել ցանկացողների համար—TheBlog.am,) տարածք հատուկ սկսնակ ձիավորների, հսկայական գոմ բազմաթիվ ձիերի համար: Առկա են տեսակավոր թամբեր, տարբեր տարիքի ու ձիավարման ոճերի համար: Ձիերով ասենք կարելի է 15 րոպեում հասնել հարեւան Ենոքավան գյուղ: Ակումբի ուղեցույցի օգնությամբ կարելի է մեկնել արշավների: Ի դեպ՝ ակումբը անմիջապես շրջափակված է խիտ անտառով, որտեղ մերթ ընդ մերթ հնարավոր է հանդիպել տարատեսակ վայրի կենդանիների, թեեւ ինձ դա չհաջողվեց… կամ էլ դա նրանց չհաջողվեց… Լսեցի նաեւ ինչ-որ ամենագնացներով հնարավոր երթերի մասին…

Ընթրիքից հետո խարույկի համար հատուկ նախատեսած վայրում հավաքվեցինք: Գեւորգի կիթառի ու դուդուկի երգի ու նվաքի մթնոլորտում ժամանակը աննկատ անցավ եւ օրը ավարտվեց: Բայց այդ մտքի հետ համաձայն չեր պարոն Սուրենը, ով ընդունարանի տարածքում կիթառով ու ստեղնաշարով յուրահատուկ դասական համերգ էր կազմակերպել… էլ Բախ, էլ Շոպեն…

Ես էլ օրվա նկարներս որոշեցի մշակել: Մինչեւ համակարգիչս բերեցի ժողովուրդն սկսեց Մաֆիա խաղալ: Մեկ անգամ հեռուստացույցով էի տեսել այս խաղը: Սա էլ երկրորդն էր: Ինձ շատ հետաքրքիր էր կողքից հետեւել խաղացողների հոգեբանական տրամաբանությանը: Բայց պետք էր չչարաշահել եւ զբաղվել ամենասուրբ գործով՝ քնելով, որովհետեւ վաղ առավոտյան պետք էր լուսանկարել:

Առավոտյան ճիշտ լուսաբացին զարթնեցի եւ դուրս եկա: «Որսորդությունս» անպտուղ չէր…

Նախաճաշից հետո ըստ նախասիրության՝ կամ արշավ կամ ձիավարություն: Ես արշավողների հետ մեկնեցի ու դարձյալ մի քանի հետաքրքիր լուսանկար որսացի:

Սենեկակիցս՝ Արմենն էլ իր ծննդյան օրով, մեր զրույցի ընթացքում ֆինանսական մտածելակերպի մի նոր ասպարեզ բացեց ինձ համար: Այն ընդունեցի որպես ազնիվ նվեր:

Լրագրողների եւ Ապագա Գոմերի հետ այս շփումս շատ դրական լիցք հաղորդեց ինձ: Հիմա մի քիչ ավելի պարզ եմ պատկերացնում նրանց հոգեբանությունը, աշխատանքային տրամաբանությունն ու դժվարությունները…

Ի միջի այլոց նկատեցի որ լրագրողները բավականին լավ բանակցողներ են… Նրանք ժամերով համոզում էին, որ նկարները տեղում փոխանցեմ նրանց… ու պատկերացրեք՝ քիչ էր մնում համոզեին, հա՜…

Ուշագրավ էր այն, որ նրանք մեծավ մասամբ երիտասարդ էին՝ ուսանող կամ նոր ավարտած: Երեւի կարելի է տրամաբանել, որ նրանք հիմնականում հետագայում կարողանում են ավելի հարմար աշխատանքի տեղավորվել (կամ էլ ավելի պայծառ՝ ամուսնանալ) ասպարեզ բացելով նորեկներին:

Լրագրողական ռեսուրսների շուկայական տրամաբանությունը պարզ է.- հասարակությունը որքան բարձր է գնահատում եւ արժեվորում հանրապետության իրավիճակի ազդեցությունը սեփական կենցաղի վրա, այդքան էլ «բարձր» է գնահատվում լրագրողի աշխատանքը: Հետեւաբար մոտ ժամանակներում այն չի կարողմի ամբողջ կյանք նվիրաբերելու չափ գրավիչ լինել…

Եղեք հիմա եւ այստեղ

[Show as slideshow]

[View with PicLens]

123456►

Չնայած դրան որ սարքավորումները մի քանի ամիս առաջ արդեն մոնտաժված էին, ընկերության ղեկավարությունը պաշտոնապես այն կայացած համարեց միայն լիարժեք արտադրական ծանրաբեռնվածությամբ աշխատելուց հետո: Բանն այն է, որ կոնյակագործության պրոցեսների մեծ մասը սեզոնային բնույթ է կրում եւ թորման պրոցեսը սկսվում է ձմռանը:

Ֆրանսիական արտադրության թորման պղնձյա սարքավորումները շատ գեղեցիկ էին: ԵԿԳ արտադրության տնօրեն Ֆիլիպ Թիբոյի խոսքերով կրկնակի թորման տեխնոլոգիան, որը կիրառվում է այստեղ ամենաշահավետը չէ, բայց տալիս է բարձրագույն որակի կոնյակի սպիրտ:

Մի քանի տարվա պատմություն ունեցող արտադրամասը համապատասխանում է ISO ստանդարտներին: ԵԿԳ գործադիր տնօրեն՝ Արա Գրիգորյանի խոսքերով այն կշարունակի բարեկարգվել եւ բոլոր առումներով կդառնա օրինակելի գործարան:

Բերդի քաղաքապետ՝ Անդրանիկ Շառյանի խոսքերով ԵԿԳ-ի այս մասնաճյուղը հանդիսանում է քաղաքի միակ գործարանը:

Երեւանից մոտ 200 կմ հեռավորության վրա գտնվող Բերդ քաղաքը կարելի է հասնել մոտավորապես երեք ու կես ժամում:

Ներքեւում կարող էք ծանոթանալ լրագրողական այցի լուսանկարչական լուսաբանմանը:

Շարունակությունը՝ վաղը…

[Show as slideshow]

[View with PicLens]

1234567►

Պատրաստման Եղանակը

Փուռը նախորոք տաքացնել մինչեւ 220°C:

Ջուրն եռացնել: Ավելացնել շաքարավազը եւ 5-10 րոպե եռացնել: Ավելացնել լիմոնի աղը: Վերցնել կրակից ու թողնել որ սառչի:

Վերցնել փռի տապակը եւ այն յուղել: Սկսել շերտավոր խմորը դարսել դրանց արանքում քիչ յուղ քսելով: Շերտերի կեսը դարսելուց հետո լցնել դարչնով խառնված ընկույզի մանրացրած միջուկը: Հնարավոր է նաեւ ըստ ցանկության միջուկը բաժանել մի քանի շերտի:

Շարունակել դարսել մնացած շերտերը դրանք փոքր-ինչ յուղելով:

Դանակով կտրատել ըստ ցանկության՝ փախլավայաձեւ, քառակուսի կամ եռանկյունաձեւ, այնպես որ եփելուց հետո շաքարաջուրը լավ ներծծի:

Մնացած յուղը ավելացնել վրան:

Դնել փռի մեջ 50-60 րոպե՝ մինչեւ կարմրելը:

Հանել եւ անմիջապես վրան ավելացնել նախորոք պատրաստված շաքարաջուրը:

Կարելի է զարդարել ընկույզի հատիկներով կամ մանրույքով:

Մատուցել սառը վիճակում:

Հազար անուշ:

Շատ գեղեցիկ ու իմաստուն խոսքեր են, որոնցից չես հագենա…

Հեղինակ՝ Սոնա Ավագյան

Մահվանից 2 ամիս առաջ Հովհաննես Թումանյանն ասել է. «Ես գիտեմ` մի օր, իհարկե ոչ շուտ, իմ կյանքը մեծ հետաքրքրություն ու աղմուկ է հանելու: Շատ բան է պարզվելու, տեսնելու են բոլորովին ուրիշ բան: Գրվածքներս դեռ լավ չեն կարդացել, տեսել»:

1959 թ.` Թումանյանի 90 ամյակին, Ստեփան Զորյանը նշել է, որ Թումանյանի բարձր պոեզիան դեռ խորն ուսումնասիրված չէ, լուրջ անելիքներ կան: 10 տարի անց` Թումանյանի 100-ամյակին, Պարույր Սեւակը Թումանյանի ողջ պոեզիան բաժանել է 3 խորագրի («Հառաչանք», «Հայրենիքիս հետ», «Դեպի անհունը») եւ ասել. «Նա սկսեց հառաչանքով, ապրեց հայրենիքի հետ եւ գնաց դեպի անհունը»: Սեւակը եւս նշել է, որ Թումանյանի խոհափիլիսոփայական աշխարհը մնացել է չմեկնաբանված ու ստորադասված: 1994 թ.` Թումանյանի 125-ամյակին, Վահագն Դավթյանը նշել է, որ մենք ճանաչում ենք Թումանյանի 2 աշխարհներից մեկը, բայց նրա ոգեղեն աշխարհը մեզ համար մնացել է անհայտ:

Փետրվարի 17-ին Ազգային գրադարանում կազմակերպված գիտաժողովին բանախոս, հրապարակախոս, թումանյանագետ Հրայր Ուլուբաբյանն ասաց. «Կարծում եմ` իմ ավելի քան 15 տարիների ուսումնասիրությունից հետո այդ «ուրիշ բանն» եմ գտել: Դրանում ես համոզված եմ»:

Հ. Ուլուբաբյանի խոսքերով` այսօր Հայաստանում գիտության բոլոր ոլորտներում ճգնաժամ է, հասարակությունը քայքայված է, կրթության համակարգը յուրաքանչյուր տարվա իր թողարկմանը գրեթե հավասար խոտան է տալիս: Ըստ ՄԱԿ-ի տվյալների` Հայաստանի 82 %-ը անապատ դառնալու վտանգի առաջ է կանգնած: Ըստ դատախազության տվյալների` 2009 թ. հանցագործությունների թիվը 2008-ի համեմատ աճել է 57 %-ով:

«Այս ճգնաժամից դժվար թե դուրս գանք, եթե Թումանյանի խրատները հաշվի չառնենք: Թումանյանի աշխարհայացքը, փիլիսոփայությունը, խրատներն ու խորհուրդները այսօր օդի պես պետք են մեր հասարակությանը, մեր կյանքի բոլոր ոլորտներում գործողներին, ով ուզում է Հայաստանը 1 սմ-ով բարձրացնել: Թումանյանը «Հազարան բլբուլ» էր գրում: Հազարան բլբուլի իմաստը գիտենք. չորացած այգին ծաղկեցնելու եւ գազան դառած մարդուն նորից մարդ դարձնելու, իր աստվածային պատկերը վերադարձնելու խնդիրը պիտի լուծեր: Այսօր այնպիսի վիճակ է ստեղծված, որ իրոք հազարան բլբուլի կարիքը կա: Բայց, ցավոք սրտի, Թումանյանը «Հազարան բլբուլը» չի ավարտել»,- ասաց Հ. Ուլուբաբյանը:

Նա հավելեց, որ անդրադառնալով ընկերոջ հարցին, թե քո կոչումը երեւո՞ւմ է «Պոետն ու մուսան» գործի մեջ` Թումանյանը պատասխանել է, որ ընդհանուր առմամբ, կարելի է այդպես համարել` որ իր կոչումը ճշմարտությանը ծառայելն է: Սակայն, ասել է, որ իր կոչումը ավելի ամբողջական կերեւա հետագայում` «Հազարան բլբուլի» մեջ, որը պետք է լիներ հանճարեղ գրողի գլուխգործոցը: Թումանյանը «Հազարան բլբուլի» տարբեր ազգերի 60 տարբերակ է հավաքել, նաեւ Հայաստանում եղած տարբեր բարբառներով` կիսատ հատվածներ, եւ դրանց հիման վրա պիտի մշակեր ստեղծագործությունը:

«Մշակված 2 մասից էլ, որ հրատարակել է, կարելի է Թումանյանին բացահայտորեն տեսնել: Թագավորի 3 տղաներից մեկը` կրտսերը, պոետ է: Թումանյանն իրեն դրել է այդ հերոսի դերում: Այն հավաքած տարբերակներից ոչ մեկի մեջ չեք տեսնի, որ թագավորի տղան պոետ լինի: Եվ թագավորի այդ տղան, երբ գնում է հազարան բլբուլի հետեւից, անցնում է այն ճանապարհը, որն անցնում են ընդհանրապես գաղտնագիտության դպրոց անցնողները: Թումանյանի աշխարհը այդ գաղտնագիտությունն է` օկուլտիզմը, միստիցիզմը, յոգան, բուդդայականությունը»,- ասաց Հ. Ուլուբաբյանը:

Նրա խոսքերով` Թումանյանն ինքը մեզ մի շարք բանալիներ է տվել, որոնցով կարելի է բացել իր պոեզիայի գաղտնի դռները: Օրինակ` Թումանյանն ասել է, որ քննադատը պետք է թարգմանի բանաստեղծի ոչ թե բառերը, ստեղծագործության ձեւը, այլ նրա ոգին, սիրտը, եւ Աստծու նման պիտի սրտագետ լինի: Սրտագետ բառը բառարաններում գրված է որպես գաղտնագետ, ծածկագետ, ծածկատես:

«Այ, այստեղ է բացվում այդ գաղտնիքը, որ նրան կապել եմ այդ գաղտնագիտության հետ: Ես համոզված եմ, որ երբ Թումանյանն ասում էր` կտեսնեն «ուրիշ բան», նկատի ուներ եւ իր գաղափարական, աշխարհայացքային կողմնորոշումը, եւ այն միսիան, որ ինքը պետք է կատարեր: Այդ «ուրիշ բանը» ես տեսնում եմ երկու հասկացության մեջ. նա` որպես Թեոսոֆիական ընկերության, թեոսոֆիական գաղափարների հետեւորդ (թեոսոֆիա նշանակում է աստվածային իմաստություն), երկրորդ` որպես ազգի փրկիչ, ազգի, ժողովրդի համար առաքելություն կատարող: Նա մի շարք ստեղծագործություններ ունի` «Ընտրյալը», «Մարգարեն», որտեղ այդ փրկչական իմաստն է արտահայտված. ստեղծագործության հերոսը իջնում է` ընկածին բարձրացնելու, փրկելու իր ժողովրդին»,- ասաց Հ. Ուլուբաբյանը:

Նրա համոզմամբ` արեւելյան փիլիսոփայության, յոգայի, բուդդայականության մեջ ընդունված հիմնական օրենքներից մեկը` կյանքի անընդհատության, հոգու վերամարմնավորման գաղափարը, Թումանյանը ձեւակերպել է հետեւյալ քառյակի մեջ.

«Գաղտնագիտությունը կամ օկուլտիզմը ընդհանուր անվանումն է այն ուսմունքների, որոնք ընդունում են մարդու եւ բնության մեջ գաղտնի ուժերի գոյությունը: Իսկ Թումանյանը դա բացահայտ ընդունում էր եւ ուսումնասիրում: Այս տեսակետից նա կյանքը հավերժական է տեսնում, մահով չի ավարտվում կյանքը, եւ որպես Հովհաննես Թումանյան ծնվելուց առաջ էլ նա որպես հոգի եղել է, եւ ըստ գաղտնագիտության տեսության` յուրաքանչյուր հոգի ծնվելուց առաջ մտածում է իր համար խնդիր, առաքելություն»,- ասաց Հ. Ուլուբաբյանը:

Նրա խոսքերով` Թումանյանի ժամանակ յոգայի, բուդդայականության ուսմունքները եւ այդ թեմայով գրականություն աշխարհով մեկ տարածում էր Թեոսոֆիական ընկերությունը: Ընկերությունը 1875 թ. նոյեմբերին Նյու Յորքում ստեղծել են Ելենա Պետրովնա Բլավատսկայան եւ Հենրի Օլկոտտը: Ընկերությունը մասնաճյուղեր էր բացում աշխարհի տարբեր երկրներում: Բլավատսկայան գաղտնի վարդապետություն է գրել` «Тайная доктрина: синтез науки, религии и фолософии»: Հ. Ուլուբաբյանի խոսքերով` Թումանյանին եւս կարելի է անվանել համադրողական մտածողության կրող: Նա Արեւելքը համարում էր հոգեւոր կենտրոն, բայց զարգացումը տեսնում է Արեւելքի եւ Արեւմուտքի սինթեզի, կրոնների, գիտության սինթեզի մեջ: Բլավատսկայայի նեղ խումբը հավաքվում էր հինգշաբթի օրերին, «Վերնատան» անդամները` եւս: Մինչ «Վերնատան» ստեղծումը եւ Թումանյանի տանը հավաքվելը հինգշաբթի օրերին հավաքներ են եղել Մարիամ Թումանյանի տանը: Թումանյանի անձնական գրադարանում կային «Вестник Теософии» ամսագրի համարները, որոնց վերջին էջերում գրված են Թեոսոֆիական ընկերության կանոնադրությունը եւ 3 գլխավոր նպատակները: Այդ նպատակներն են` 1. համամարդկային եղբայրության միջուկի ստեղծումը, 2. կրոնների ու փիլիսոփայությունների (հիմնականում արեւելյան փիլիսոփայության) ուսումնասիրությունը, 3. մարդու եւ բնության գաղտնի ուժերի ուսումնասիրությունը:

«Ուսումնասիրելով Թումանյանի եւ կյանքը, եւ ստեղծագործությունները` համոզվել եմ, որ այս 3 խնդիրներով հստակ զբաղվել է Թումանյանը»,- ասաց Հ. Ուլուբաբյանը:

Հովհաննես Թումանյան

Նրա խոսքերով` եղբայրության վերաբերյալ Թումանյանի գաղափարները ամենից շատ են ուսումնասիրվել եւ հայտնի են: Քիչ հայտնի է այն, որ Թումանյանը զբաղվել է կրոնների եւ փիլիսփայությունների ուսումնասիրությամբ: Մեծ գրողը հատվածներ է թարգմանել եւ «Զրադաշտից», եւ «Բհագավագիտտայից», որը չի տպագրվել Թումանյանի երկերի լիակատար ժողովածուում (10 հատորով): Իսկ «Վերնատան» անդամներից Ղազարոս Աղայանը ունի Բուդդայի կյանքին եւ ուսմունքին նվիրված անտիպ ուսումնասիրություն, որը պահվում է Գրականության եւ արվեստի թանգարանում` Աղայանի ֆոնդում:

Հ. Ուլուբաբյանի համոզմամբ` Թումանյանի ստեղծած «Վերնատունը» իրականացնում էր Թեոսոֆիական ընկերության 3-րդ խնդիրը եւս: Թեոսոֆիական ընկերությունը պայքարում էր եւ եկեղեցական դոգմատիզմի դեմ, որը կանգնեցնում է մարդկության զարգացումը, եւ այն մատերիալիստական գիտության դեմ, որը ճգնաժամի մեջ էր, բայց կարծում էր, թե 19-րդ դարավերջին մարդու եւ տիեզերքի ճանաչումն ավարտված է, ատոմը ամենափոքր, այլեւս չտրոհվող մասնիկն է: Բլավատսկայան ատոմի տրոհվելուց դեռ 10 տարի առաջ նշել էր, որ ատոմը կտրոհվի, եւ ավելի փոքր մասնիկ կհայտնագործվի:

Հ. Ուլուբաբյանի համոզմամբ` «Վերնատան» անդամները` Թումանյանը, Աղայանը, Իսահակյանը, Շանթը, Դեմիրճյանը, Աղբալյանը, ինչպես նաեւ հյուրերը հավաքների ժամանակ քննարկում էին այս գաղափարները: Բանախոսը հիշեցրեց Ավետիք Իսահակյանի 1903 թ. գրված հետեւյալ միտքը. «Ես ձեզ ասում եմ` կգա ոգու սով, ձեր նյութի հանդեպ կգա ոգու սով»: Այս տարիներին էր գրվում նաեւ Լեւոն Շանթի «Հին աստվածները»:

Հ. Ուլուբաբյանի համոզմամբ` «Վերնատան» անդամները հավաքների ժամանակ քննարկում էին նաեւ օկուլտիզմը` գաղտնագիտությունը: Դրա վառ վկայությունը, բանախոսի կարծիքով, այն է, որ Աղայանի մահվան առաջին տարելիցի կապակցությամբ Թումանյանը գրել է, թե ինքն ուզում է հիշատակել տարօրինակ դեպք: «Տարօրինակ եմ ասում, որովհետեւ տարօրինակ են համարվում. թե չէ մենք այս տեսակ դեպքերը ընդունում ենք որպես սովորական ու բնական երեւույթներ: Մենք հաճախ խոսում էինք բնության ու կյանքի գաղտնի ուժերից, որ տակավին մարդը չի ճանաչում ու չի գիտակցում պարզորեն, խոսում ենք եւ հոգիների փոխադարձ հաղորդակցության ընդունակությունից, որ տարածություն չեն ճանաչում եւ ազդում են ամեն տեղ ու ամեն հանգամանքում, բայց միայն նուրբ բնության տեր մարդիկ են զգում եւ հասկանում, եւ մեր մեջ համարելով մեզ էլ այդպիսի մարդիկ` շատ դեպքեր էինք բերում մեր կյանքից»,- գրել է Թումանյանը:

Հ. Ուլուբաբյանի պարզաբանմամբ` գաղտնագիտության մեջ «նուրբ բնության տեր մարդիկ» են համարվում նրանք, ովքեր ունեն նաեւ 6-րդ զգայարան, որը կարելի է անվանել ինտուիցիա, տելեպատիա, պայծառատեսություն: Աղայանի մահվան տարելիցին Թումանյանը գրել է, որ ինքը տեսել է Աղայանի` ընկնելու եւ մահանալու լուսավոր պատկերը:

«Այդ երեւույթի բացատրությունը օկուլտիզմի մեջ կա. հոգեհարազատ մարդիկ իրար կապված են լինում այնպես, ինչպես, ասենք, ռադիոհեռուստահաղորդումները. կարող եք միացնել այս կամ այն ալիքը, տեսնել` ինչ ցանկանում եք»,- ասաց Հ. Ուլուբաբյանը:

Նա նշեց, որ Թումանյանը նաեւ ասել է. «ես էս կամ էն խնդրի պատասխանը կարող եմ իմանալ պայծառատեսությամբ»: Սակայն Թումանյանի դստեր` Նվարդ Թումանյանի հրատարակած «Հուշեր եւ զրույցներ» գրքի 1969 եւ 1989 թթ.-ի հրատարակությունների միջեւ տարբերություն կա. գրքի 89 թ.-ի հրատարակության մեջ «էս կամ էն խնդրի…» արտահայտությունը սահմանափակվել է` դարձել է «էս խնդրի…»:

«Այսինքն` բազմաթիվ վկայություններ կան, որ Թումանյանը ցանկացած խնդրի պատասխանը կարող էր պայծառատեսությամբ իմանալ: Նրա մտերիմներից մեկը` Մարիամ Թումանյանը իր հուշերում գրում է` մեր միջեւ ստեղծվել էր այնպիսի խոր հոգեբանական կապ, հարազատություն, որ իմ ուղեղում ծագած յուրաքանչյուր միտք նա բարձրաձայն արտահայտում էր: Դա տելեպատիայի երեւույթն է: Պարզվում է, որ Թումանյանը ունի իր հուշերում գրված, իր պատմություններում նշած, որ ռուս-ճապոնական պատերազմն է նախօրոք տեսել»,- ասաց բանախոսը:

Նա գիտաժողովի մասնակիցներին ցույց տվեց Թումանյանի գրադարանում եղած մի քանի գրքեր, որոնք, նրա համոզմամբ, տարածել է Թեոսոֆիական ընկերությունը, մասնավորապես` «Вестник теософии» ամսագրի պատճենները, «Մահ, իսկ հետո՞», «Символы Таро, философия окультизма», «Сведения о теософском обществе», «Великие посвященные» գրքերը եւ այլն: Հ. Ուլուբաբյանի խոսքերով` Թումանյանի դուստրը` Նվարդ Թումանյանը, իր հուշերում գրում է, որ որդու մահից հետո Թումանյանը «Великие арканы Таро» փիլիսոփայական ստեղծագործության միջոցով ուսումնասիրել է կյանքի ու մահվան խնդիրները: Մեծ գրողը չէր հավատում, որ որդին մահացել է, կարծում էր, որ նա կա, բայց չգիտեր` թե ինչ ձեւով:

«Այսօրվա դրությամբ թումանյանագիտությունը շարունակում է գործել, բայց չունենալով այդ մեթոդաբանությունը, այդ փիլիսոփայությունը` չեմ կարծում, որ որեւէ լուրջ բան ասվի Թումանյանի այդ խոհափիլիսոփայական աշխարհի վերաբերյալ: Թումանյանագիտական ուսումնասիրությունները չեն կարող իրական հողի վրա կանգնել, քանի դեռ չեն մտել Թումանյանի այս աշխարհ, քանի դեռ այս փիլիսոփայությամբ չեն ղեկավարվում»,- ասաց Հ. Ուլուբաբյանը:

http://hetq.am/am/society/hovhannes_tumanyan/

Հեղինակ՝ Սոնա Ավագյան

Եղեք բախտավոր…

Պատերազմը Վերհիշելիս

Հիշեք Ծնողներին Քանի Դեռ Կենդանի Են

Աշխարհի վերջի մասին կանխատեսումների մեծ մասը կրոնական տեսանկյուն են ունեցել: Չնայած դրան, աշխարհիկ հասարակությունը իր էական նպաստն է ունեցել սարսափի տարածման գործում: Առայժմ արված կանխատեսումները կիսում են մի ընդհանուր դրույթ.- այն որ բոլորի կանխատեսած ժամկետները գալիս ու անցնում են:

Ահա դրանցից, տասը որոնք առայժմ չեն արդարացրել իրենց:

Սենեկա, 79 մթ

Դեռեւս արդի ժամանակների ամենահին հիշատակվող աշխարհի վախճանի մասին մարգարեացումը դա Հռովմեացի փիլիսոփա Սենեկայինն է, ով մահացել է 65մթ.: Նա ասել է՝ «Այս ամենը ինչն այսօր տեսնում ու զմայլվում ենք վառվելու է տիեզերական կրակի մեջ, տեղ բացելով մի նոր, արդար եւ ուրախ աշխարհի»:

Տարիներ անց, 79 թվականին երբ Վեզուվիոս հրաբուխը ժայթքեց, հռովմեացիներից ոմանք հավատացին որ դա Սենեկայի գուշակած վերջի նախանշանն է:

Հավ Մարգարեն Լիդսից 1806

Պատմությունը հիշում է բազմաթիվ օրինակներ, երբ մարդիկ սկսում են հայտարարել Հիսուսի երկրորդ գալստյան ճշգրիտ օրը: Դրանցից երեւի ամենազավեշտալին 1806-ին Անգլիական Լիդս քաղաքի Հավ Մարգարեն էր: Այնտեղ լուրեր սկսեցին տարածվել, որ հավը ձվեր է ածում որոնց վրա գրված է «Քրիստոս գալիս է»: Աստիճանաբար մարդիկ սկսեցին հավատալ, որ աշխարհի վերջը անխուսաբելի է… Մինչեւ մի հետաքրքրասեր մարդ որոշեց իր սեփական աչքով տեսնել մարգարեական ձվադրման մանրամասները եւ հայտնաբերեց զեղծարարին: Վերջինս խոստովանեց, որ քայքայիչ թանաքով անձամբ գրում էր ձվերի վրա ապա ձուն վերատեղադրում հավի մարմնի մեջ:

Միլլերականները- Ապրիլ 23, 1843

Վիլիամ Միլլեր անունով Նոր Անգլիացի մի ֆերմեր, մի քանի տարի շարունակ Աստվածաշունչը մանրակրկիտ ուսումնասիրելուց հետո հանգեց այդ եզրակացության, որ Աշխարհի վերջի համար Աստուծո նախատեսած օրը կարելի է վերծանել սուրբ գրային մեկնաբանությամբ: Այսպես նա սկսեց բոլոր նրանց ում նա հանդիպում էր քարոզել, որ աշխարհի վերջը տեղի է ունենալու 1843-ի մարտի 21-ից մինչեւ 1844-ի մարտի 21-ը: Նրա ակտիվ հրապարակումներով եւ քարոզներով նա համախմբեց հազարավոր հետեւորդների (որոնք ճանաչվում են որպես Միլլերականներ): Վերջիններս որոշեցին որ փաստացի օրը 1843-ի ապրիլի 23-ն է: Շատերը վաճարեցին իրենց ունեցվածքը համարելով, որ դրանց կարիքը այլեւս չեն ունենալու: Բայց երբ վրա հասավ ապրիլի 23-ը բայց Հիսուս չեկավ, խումբը աստիճանաբար լուծարվեց: Նրանց ում դուր էր եկել այդ խմբի ոգին, շարունակեցին խմբավորված մնալ եւ այսօր ծանոթ են Ադվենտիստների Յոթերորդ Օրվա Եկեղեցի անունով:

Եհովայի Վկաներ

Գուցե ամենաջրիկ գուշակները Եհովայի վկաներն են եղել: Նրանք միշտ էլ գիտեն, երբ է աշխարհի վերջը: Այս անգամ սխալվեցի՞ն, հոգ չէ. նրանց ղեկավարությունը շուտով կասի, երբ է լինելու իսկական վախճանը: Այսպես՝ 1874, 1878, 1881, 1910, 1914, 1915, 1918, 1920, 1925, 1941, 1975, 1994: 1995-ին նրանց առաջնորդը հայտարարեց «մենք գիտենք որ վերջը շատ մոտ է, բայց ինչպես Հիսուս է ասել, ոչ ոք չի կարող ստույք իմանալ ճշգրիտ օրը:» Իսկ տրամաբանությունն այսպես է. 1975 գուշակությունը կապվում էր իրենց հաշվարկներով Ադամի ստեղծման 6000 տարեդարձի հետ, 1000 տարի յուրաքանչյուր մեկ արարչական օրվա հաշվարկով: Ասենք թե տրամաբանում են… ու սխալվել են… Իսկ հիմա փոքր ուղղում են կատարում իրենց տրամաբանության մեջ: Ոչ թե Ադամի, այլ Եվայի արարման 6000 տարեդարձն է լինելու մեծ վախճանի օրը, բայց դե չկա ստույգ հիշատակում Եվայի արարման օրվա մասին: Դրա համար էլ հնարավոր չէ գուշակել ճշգրիտ օրը… Բայց նրանք վստահեցնում են, որ վերջը — ի դեպ՝ ինչպես միշտ– շատ շուտով կգա… ու շտապ հարկավոր է դառնալ Եհովայի վկա…

Երկրորդ Գալուստը 1891-ի՞ն

Ջոզեֆ Սմիթը, ով հանդիսանում է Մորմոնական եկեղեցվո հիմնադիրը, 1835 թվին եկեղեցվո առաջնորդներին ասել է, որ Աստված նրան հաղորդել է թե Հիսուս պիտի վերադառնա 56 տարուց…
Լինելով շատ լուրջ մարդ, Սմիթը չէր հասկացել, որ Աստված կատակ էր անում:

Հալլեյի Գիսաստղը, 1910

1881-ին մի աստղագետ սպեկտրալ անալիզի շնորհիվ հայտնաբերեց, որ խնդրո առարկա գիսաստղի պոչը պարունակում է խիստ թունավոր՝ ցիանիդ գազը:

Հայտնագործությունը գիտական շրջանակներում չափավոր հետաքրքություն վայելեց մինչեւ մեկ այլ գիտնական հայտնաբերեց, որ 1910-ին Երկիր մոլորակի ուղեծիրը հատվելու է գիսաստղի պոչի հետ: Նյու Յորք Թայմզի եւ այլ թերթերի խորագրերը նշում էին, որ մթնոլորտը պիտի լցվի թունավոր գազով, համատարած խուճապ առաջացնելով Միացյալ Նահանգներում եւ դրա սահմաններից դուրս: Իրավիճակը մնաց լարված մինչեւ գիտնականները հավաստիացրեցին, որ խուճապը անհիմն է:

Պետ Ռոբերտսոն, 1982

1980-ի մայիսին, հեռուստաավետարանիչ եւ Քրիստոնեական Կոալիցիայի հիմնադիր հոգեւորականների շրջանակներում որոշ հեղինակություն վայելող Ռոբերտսոնը, զարմացրեց եւ ահաբեկեց շատերին երբ հակառակ Մաթեոսի Ավետարանի 24:36 համարին (Բայց այդ օրվա եւ ժամվա մասին ոչ ոք չգիտի. ո՛չ երկնքի հրեշտակները եւ ո՛չ էլ Որդին, այլ՝ միայն Հայրը:) նա իր «700 Ակումբ» հեռուստաշոույի ակնդիրներին հայտարարեց, որ նա գիտի երբ է լինելու աշխարհի վերջը եւ ասաց՝ «Ես երաշխավորում եմ ձեզ, որ 1982-ի ավարտին Երկրի վրա տեղի է ունենալու դատաստան»:

Դրախտի Դարպասը, 1997

Երբ 1997-ին Հեյլ-Բոփ գիսաստղը հայտնվեց երկնակամարում, լուրեր տարածվեցին որ NASA-ի եւ աստղագիտական հասարակության հավաստմամբ, գիսաստղին հետեւում է մի այլմոլորակային տիեզերանավ: Չնայած նրան, որ անձնական մի լավ աստղադիտակ ունենալու դեպքում ամեն ոք կարող էր հերքել այդ լուրերը, ռադիոյի մի հաղորդում հրապարակվեց նվիրված այդ երեւույթին: Այս պնդումները հանգեցին նրան, որ Դրախտի Դարպասը անունով Սան Դիեգոյի մի ՉԹՕ-ական կուլտ եզրակացրեց որ ուրեմն աշխարհի վերջն է: Իրականում դա այդպես էլ եղավ նրանցից 39-ի համար որոնք ինքնասպանություն գործեցին 1997-ի մարտի 26-ին:

Նոստրադամուս, 1999 Օգոստոս

Միշել դը Նոստրադամուսի խիստ գաղտնագրած ու մեթաֆորային գրությունները ավելի քան 400 տարի հետաքրքրել են մարդկանց: Իր գրությունների մեջ, որոնց ճշտությունը մեծապես պարտական է օգտագործած ճկուն լեզվի ու լիրիկական մեկնաբանություններին, որոնք թարգմանվել ու վերաթարգմանվել են տասնյակ տարբերակներով: Ամենահայտնի քառյակներից մեկում նա ասում է «1999 տարվա յոթերորդ ամսին, Երկնքից պիտի գա ահի մեծ արքան»: Նոստրադամուսի նվիրյալները շատ մտահոգ էին, որ այս քառյակում նա հավանաբար Արմագեդդոնի մասին է նշում:

Y2K, 2000 Հունվարի 1

Երբ անցած դարը սկսեց մոտենալ իր ավարտին, բազմաթիվ մարդիկ սկսեցին մտահոգվել, որ համակարգիչները կարող են կործանել աշխարհը: Բանն այն էր որ գիտնականները 70-ականներին նկատեցին համակարգչային դիզայնի մի թերություն: Այսպես առկա համակարգերը չէին կարող տարբերակել 2000-ի եւ 1900-ից որովհետեւ վաղ ծրագրավորողները խնայել էին սուղ բայթերը եւ տարեթվի համար հատկացրել՝ միայն 2 նիշ: Ոչ ոք չգիտեր ինչ է տեղի ունենալու: Ոմանք վախենում էին, որ չէին բացառում էլեկտրամատակարարման ընդհատումներից մինչեւ միջուկային աղետ: ԱՄՆ-ում զենքերի վաճառքը աննախադեպ աճեց, շատերը պատրաստվում էին այնպես որ կարողանան երկար ժամանակ գոյատեւել իրենց բունկերներում:

Սպասումները դարձյալ չարդարացան եւ չհաշված մի քանի աննշան խնդիրների, 2000 թիվն էլ անցավ-գնաց:

Եւ Ահա Տասնմեկերորդը…

Պատկերացնենք, որ ձեզ առաջարկում են մի պատկառելի գումար՝ դրամաշնորհի տեսքով, որպեսզի դուք հյուսեք մի տրամաբանություն 2015-ի ենթադրյալ աշխարհի վերջի մասին: Գումարը տալիս են, որովհետեւ այդ տեսության զարգանալու դեպքում, նրանք շատ ավելի մեծ շահույթ են ունենալու… բայց դա ձեր գործը չէ:
Իսկ ձեզ կմնա համոզիչ մի պատմություն հորինել ու քաղցր կյանքը վայելել: Ի՞նչպիսին կլինի ձեր ընտրությունը. կհրաժարվե՞ք արդյոք գայթակղությունից նույնիսկ տեսնեք, որ ձեր բանահյուսության ելքը մարդկության համար անկանխատեսելի կարող է լինել:

Հիշեցնեմ, գումարը կլորիկ է իսկ Հավայան կղզիները ջերմ…

Եզրակացություն

Իսկ եթե լուրջ՝ ապա հիշեցնենք որ նույնիսկ Արեգակն է մի օր վախճանվելու:
Բայց գործնականում, դրա մասին մտահոգվել պետք չէ…

Եղե’ք բարի եւ ապրե’ք այսօր: