‘Տեսագրություն’ Դասի Պահոց
Շարժապատկեր
Այս տեսագրությունը պատրաստել են Դավիդ եւ Դան Նյուկոմբերը: Օգտագործելով timelapse եղանակը, նրանք բավականին բարդ աշխատանք ենք կատարել:
Արդյունքը ինչ խոսք՝ հրաշալի է:
Այս եղանակով, օգտվելով համակարգչից կամ լուսանկարչական խցիկի հատուկ ունակություններից, լուսանկարիչը կարգավորվող հաճախականությամբ պարբերաբար նկարում է տեսարանը: Հետագայում այդ կադրերը միացնում իրար շարժապատկերի մի հոսքի մեջ:
Ինձ ամենից շատ տպավորեցին ներքեւում թափառող ամպերը:
Խորհուրդ ենք տալիս դիտել HD տարբերակը: Դրա համար, դիտումը սկսելուց հետո սեղմեք 360p կոճակն ու ընտրեք ձեր էկրանի հնարավորությունների համապատասխանող առավելագույն լուծելիության աստիճանը (resolution):
Հովհաննես Թումանյան Քառյակներ
Հովհաննես Թումանյան Քառյակներ — Կարդում է Սուրեն Քոչարյանը:
Շատ գեղեցիկ ու իմաստուն խոսքեր են, որոնցից չես հագենա…
Թղթյա Խաղալիք
Ինչ անել եթե տանը մեկ թղթից, մեկ մկրատից, լեյկոպլաստերից ու ուշադրությունը շեղելու կարիք ունեցող հինգ տարեկան երեխուց բացի ոչինչ չկա…
Ահա թե ինչ…
Գեւորգ Մուրադի Արվեստը
Եթե չեմ սխալվում, վերջին անգամ 11 տարի առաջ եմ տեսել Գեւորգին…
Կես գիշեր էր… Վերադառնում էի տուն: Աբովյան-Մոսկովյան խաչմերուկն ամայի էր: Անսպասելիորեն խավարի միջից համարյա ծիրանագույն լույսի մեջ մարմնավորվեց Գեւորգը՝ ժպիտը դեմքին: Նա կարկամած քայլերով մոտեցավ ինձ ու միանգամից զգացի, որ կարեւոր բան ունի հարղորդելու: Այդպես է լինում երբ զգում ես որ բաժակդ լցված է ու գերլցված:
Եղբայրական զրույցը կարճ էր: Բառերը մոտավոր եմ հիշում, բայց բովանդակությունն այսպիսին էր:
—Չմտածես որ խմած եմ, սկսեց նա… Պարզապես արդեն երկու գիշեր չեմ քնել: Գյումրվա Բիենալեյում էինք:
…Ընկերս ինձ համար նվագում էր տրոմբոնով ու ես իր նվագով ներշնչված նկարում էի ու ներշնչում նրան:
Խոսքով չեմ կարող արտահայտել ինչպիսի փոփոխություն է իմ մեջ կատարվում: Անգամ պարզ ու հասարակ գիծը որ քաշում եմ… հիմա տարբեր է…
Գեւորգի այդ հոգեւոր վիճակը միշտ աչքիս առաջ է, հիշեցնելով թե, առհասարակ՝ մարդ որքան երջանիկ կարող է լինել…
Ստորեւ ծանոթացեք Գեւորգ Մուրադի հերթական կենդանի կատարումը Տամբուկոյի՝ Մեքսիկայի Հարվածային Անսամբլի հետ 2007թ.: Շատ գեղեցիկ աշխատանք է.—
Նաեւ այցելեք Գեւորգ Մուրադի կայքը
Երբ Բարկանում Են Իտալուհիները
Ֆորմուլա 1-ի գրանպրիների վեցակի հաղթող Ռիկարդո Պատրեզեն տիկնոջը ցույց է տալիս Խերեզի մրցուղին… Կինը տեղյակ չէ, որ այս ամենը տեսագրվում է…
